EndRead - 后读网摘
当前位置:主页 > 情感美文 >

过年,幸福!!!

发布时间:2017-04-13类别:情感美文

         今年,感觉好幸福!!!本世纪57年一遇的,西方情人节同中国情人节同一日!!真系.......

        年廿九,同埋啊叔地去团年!去渔民新村,里面真系好大!好靓!好易荡失路!上一年表姐生日系果度搞,不过我就快高考所以无去!我都系第一次去!!果日,同屋企人去大润发买年货,夸张啊!妈咪话,好多年都未试过买年货买百几蚊!(其实唔止噶!系香港都买成千蚊野翻来)

        年三十,到啊叔去我地屋企食翻!!两围台!人真系太多啦!不过系屋企珍惜好温暖!大家围埋一齐,好暖啊!

        年初一,朝早训到10点几起身,去嬷嬷屋企拜年!(每年呢一日的中午都系系嬷嬷屋企食饭!)嬷嬷比佐封大利是我啊!!(距话我上大学之后乖佐,有进步喔!!)中午,落住毛毛细雨!有个人,距系钟村过来!(距可能真系专程过来,也许唔系!)不过,我都好开心!距送一盒雪吻朱古力比我!但系,我想转口味,唔想再独爱雪吻..........惊动的事来啦!!!我个妹知道有人送盒朱古力比我!禁岩广州的叔公过来拜年,顺便食饭!我个妹话,家姐今日收一盒男仔送的朱古力!当场拆佐!表叔仔对住我妈咪讲,未来女婿送的!!食多D啊!!!叔婆同我爸爸讲,一副岳父相!!!!(我快晕死啦)  晚黑去萍姨屋企!萍姨话,好多年无见彤彤啦!瘦佐,靓佐!!哈哈!真系?!

        年初二,翻外家!晨早比爸爸嘈醒,又要帮妈咪拜神,又要烧炮仗!!忙啊!好啦,搞掂佐!又要落婆婆到!点知,我地最早!唉!去到先知,姨妈翻顺德!等好耐,先等齐人!跟住,去妈咪果边部分亲戚度拜年!搞到4点几.又去翻婆婆屋企......真系小赌为意!我地成班亲戚系度玩三公!舅母仲挪只"兜"出来!一蚊为上限,输的放一蚊落去,赢的无得挪翻!输佐的钱,挪出来一齐食宵夜!原本得5个人玩,玩玩下有D成家一齐玩!!!(你班赌鬼)

        年初三,一早同埋契细佬一家去饮茶!!同距倾好多野!我地好少见!距又读高三啦!要好好考试!距目标系去远的地方读!顺便去沟女!玩完唔洗惊死缠烂打!!!(女仔,小心啊)契姐讲错的,过来上诉,我批准你上诉!到佐下午,妈咪地上市桥,我就去斯棋姐屋企啦! 唉!斯棋姐好惨啊!要做家务!后来,我地叫外卖!(叫外卖,我强项啦!(*^__^*) 嘻嘻)同距倾好多野啊!我地姐妹都好耐未试过倾禁耐!!好开心啊!我地友谊长存啊!

        年初四,妈咪地翻顺德拜年!我无去啊!我同斯棋姐去市桥"约会"啊!第一次同斯棋姐去买衫啊!识10几年都未试过一齐买衫!讲出来都无人信啊!我买条裙,斯棋姐话,你好幼稚啊!!(本人觉得好cute啊!!哈哈!)距竟然话"傻瓜"!!!不过都好开心啊!斯棋姐买几百蚊衫!我买100都唔知有无!!

       年初五,系年初四舅母的怂恿下,我地决定一齐自驾游!所以,年初五,我地急急脚翻中山拜年!!哗!中山真系靓啊!先去石岐,陪下姨婆!姨婆一个人,经常唔开心!我放暑假都要翻去陪距先得!系姨婆屋企停留一阵,我就拉表伯娘去买杏仁饼!!(妈咪话我坐唔定)去狂扫啊!买百几蚊杏仁饼!(好似唔使钱禁).....之后翻沙溪,翻祖屋上香,跟住就急急脚禁,又翻来!去契家屋企食翻!讲起就犀利咯!果日,天寒地冻,我竟然有心情拉佐契细佬出去踩单车!!部车煞制系统有问题啊!!(怕怕啊!!)

        年初六,8:30东怡集中!开始我地的佛冈温泉之旅!!4部车一齐出发!!系番禺出发!有毛毛细雨!不过,我地心情依然极好啊!去到京珠高速,仲出奇地见到太阳!!oh,baby!我已经好多人未见过太阳啦!!爽啊!!大概中午11:00左右,去到佛冈!中午,去食农家菜!!睇住距摘!!新鲜噶!午饭后,我地去到目的地,森波拉温泉度假村!!首先见到个个做得好假的火山!D火剩仲假啊!!由于,我地有20几人,只订3间房!所以,训觉果时系大混战噶!!虽然间酒店无星级啊!不过住一晚都要千几啊!!!,个厕所无门的,只系冲凉的地方同厕所有拉门!真系好高档啊!不过,好无安全感咯!阳台外面好靓啊!一片草地,小桥流水,D细佬仲系护栏爬出去!!唉!天真的小朋友!我地住一楼的!(我地隔离的别墅四房两厅,一晚要18000......我地先去奇妙世界!!!呃......里面好多都要钱的!系里面兜佐个圈,无咩好玩的!系个海盗船可以!不过都系荡得太矮啦!!!个恐龙谷仲假!!D恐龙声用收音机播!!!讲到最好玩都只能算温泉!但系具体感受,都系一般!同埋班豆丁去玩,个个池浸下就走!不是讲少的!!!上池果时好冻!!!又D池仲要系无水的!!!那只有几个可以浸的!!!郁闷!!!去焗桑拿,哗!!!缺氧啊!!!热死人啦!仲要干蒸啊!!!!玩到12点,出来啦1!!!!

       年初七,一早比人嘈醒!!去对面房陪班豆丁睇电视!食即食面当早餐!好彩表哥带电脑去玩!!成班细佬好似发现新大陆,围攻部电脑啊!!笑完之后,继续玩锄大地!!!呜呜~~~~~今日劲黑仔啊!!!连续输是!!!中午12点啦,准点退房!!!真系好准时!!!跟住,我地去买特产啊!!!妈咪买好多粉葛啊!!!又买好多零食啊!!!哈哈!!!!食完午饭,上高速,翻番禺!!好经典啊!!!系高速公路上有两起车祸同超载啊!!!唉!搞到条路几塞车啊!!!不过,呢个旅途都好愉快!!!

 

呢个新年都过得好开心!!!屋企人全程陪伴!!好幸福,好sweet啊!!!!尽管春节都好冻,但系家庭始终温暖!!!!